З’явілася некалькі змяненняў для кіроўцаў. Да прыкладу, увялі новую электронную паслугу, якая датычыць выдачы дазволу на допуск транспарту да ўдзелу ў дарожным руху. «Люстэрка» склала падборку новаўвядзенняў.
Новая электронная паслуга
На адзіным партале электронных паслуг «Е-Паслуга» сталі даступныя новыя адміністрацыйныя працэдуры, якія датычаць транспарту. Так, фізічныя і юрыдычныя асобы могуць атрымаць дазвол на допуск транспартнага сродку да ўдзелу ў дарожным руху. Выключэнне — колавыя трактары, прычэпы, паўпрычэпы да іх.
Каб атрымаць гэтую паслугу, трэба запоўніць форму заявы і прымацаваць файлы з дакументамі. Сярод іх — тэхпашпарт на транспарт і пацверджанне аплаты (але калі вы ўнеслі грошы праз АРІП, то паказваць чэк не трэба).
Каб фізасобам скарыстацца паслугай, трэба прайсці аўтэнтыфікацыю праз увод лагіна-пароля.
Навіны па АСАГА
Дзярждума Расіі прыняла адразу ў другім і трэцім чытаннях закон, якім прапануецца распаўсюдзіць дзеянне поліса АСАГА на тэрыторыю Беларусі. У прыватнасці, аўтаўладальнікі змогуць купіць пашыраны поліс АСАГА для Расіі і Беларусі ў першым квартале 2025-га. Сам закон пачне дзейнічаць з 1 студзеня наступнага года, але патрэбны трэба час, каб прыняць нарматыўныя дакументы і інтэграваць інфармацыйныя сістэмы дзвюх краін.
Пры гэтым у кіроўцаў застанецца опцыя, як і цяпер, купіць «сінюю карту» для кароткіх паездак.
Адзначаецца, што цана агульнага поліса Расіі і Беларусі па супастаўных тэрмінах і катэгорыі транспартнага сродку будзе істотна ніжэйшая, чым кошт «сіняй карты», дзякуючы электронным продажам, якія выключаюць значныя выдаткі на ўтрыманне агенцкай сеткі.
Чытайце таксама
